Lakshmi Devi is draped in red saree, bedecked with gold ornaments, seated on a lotus, pot in hand, flanked by white elephants, the image of Lakshmi adorns most Hindu homes and business establishments.
Lakshmi is the goddess of wealth, fortune, power, luxury, beauty, fertility, and auspiciousness. She holds the promise of material fulfillment and contentment. She is described as restless, whimsical yet maternal, with her arms raised to bless and to grant.
॥ Lakshmi Ashtottara Shatanama Stotram Bengali Lyrics ॥
শ্রীলক্ষ্ম্যষ্টোত্তরশতনামস্তোত্রম্
এতত্স্তোত্রং মহালক্ষ্মীর্মহেশনা ইত্যারব্ধস্য
সহস্রনামস্তোত্রস্যাঙ্গভূতম্ ।
ব্রহ্মজা ব্রহ্মসুখদা ব্রহ্মণ্যা ব্রহ্মরূপিণী ।
সুমতিঃ সুভগা সুন্দা প্রয়তির্নিয়তির্যতিঃ ॥ ১ ॥
সর্বপ্রাণস্বরূপা চ সর্বেন্দ্রিয়সুখপ্রদা ।
সংবিন্ময়ী সদাচারা সদাতুষ্টা সদানতা ॥ ২ ॥
কৌমুদী কুমুদানন্দা কুঃ কুত্সিততমোহরী ।
হৃদয়ার্তিহরী হারশোভিনী হানিবারিণী ॥ ৩ ॥
সম্ভাজ্যা সংবিভজ্যাঽঽজ্ঞা জ্যায়সী জনিহারিণী ।
মহাক্রোধা মহাতর্ষা মহর্ষিজনসেবিতা ॥ ৪ ॥
কৈটভারিপ্রিয়া কীর্তিঃ কীর্তিতা কৈতবোজ্ঝিতা ।
কৌমুদী শীতলমনাঃ কৌসল্যাসুতভামিনী ॥ ৫ ॥
কাসারনাভিঃ কা সা য়াঽঽপ্যেষেয়ত্তাবিবর্জিতা ।
অন্তিকস্থাঽতিদূরস্থা হদয়স্থাঽম্বুজস্থিতা ॥ ৬ ॥
মুনিচিত্তস্থিতা মৌনিগম্যা মান্ধাতৃপূজিতা ।
মতিস্থিরীকর্তৃকার্যনিত্যনির্বহণোত্সুকা ॥ ৭ ॥
মহীস্থিতা চ মধ্যস্থা দ্যুস্থিতাঽধঃস্থিতোর্ধ্বগ ।
ভূতির্বিভূতিঃ সুরভিঃ সুরসিদ্ধার্তিহারিণী ॥ ৮ ॥
অতিভোগাঽতিদানাঽতিরূপাঽতিকরুণাঽতিভাঃ ।
বিজ্বরা বিয়দাভোগা বিতন্দ্রা বিরহাসহা ॥ ৯ ॥
শূর্পকারাতিজননী শূন্যদোষা শুচিপ্রিয়া ।
নিঃস্পৃহা সস্পৃহা নীলাসপত্নী নিধিদায়িনী ॥ ১০ ॥
কুম্ভস্তনী কুন্দরদা কুঙ্কুমালেপিতা কুজা ।
শাস্ত্রজ্ঞা শাস্ত্রজননী শাস্ত্রজ্ঞেয়া শরীরগা ॥ ১১ ॥
সত্যভাস্সত্যসঙ্কল্পা সত্যকামা সরোজিনী ।
চন্দ্রপ্রিয়া চন্দ্রগতা চন্দ্রা চন্দ্রসহোদরী ॥ ১২ ॥
ঔদর্যৌপয়িকী প্রীতা গীতা চৌতা গিরিস্থিতা ।
অনন্বিতাঽপ্যমূলার্তিধ্বান্তপুঞ্জরবিপ্রভা ॥ ১৩ ॥
মঙ্গলা মঙ্গলপরা মৃগ্যা মঙ্গলদেবতা ।
কোমলা চ মহালক্ষ্মীঃ নাম্নামষ্টোত্তরং শতম্ ।
ফলশ্রুতিঃ
নারদ উবাচ-
ইত্যেবং নামসাহস্রং সাষ্টোত্তরশতং শ্রিয়ঃ ।
কথিতং তে মহারাজ ভুক্তিমুক্তিফলপ্রদম্ ॥ ১ ॥
ভূতানামবতারাণাং তথা বিষ্ণোর্ভবিষ্যতাম্ ।
লক্ষ্ম্যা নিত্যানুগামিন্যাঃ গুণকর্মানুসারতঃ ॥ ২ ॥
উদাহৃতানি নামানি সারভূতানি সর্বতঃ ।
ইদন্তু নামসাহস্রং ব্রহ্মণা কথিতং মম ॥ ৩ ॥
উপাংশুবাচিকজপৈঃ প্রীয়েতাস্য হরিপ্রিয়া ।
লক্ষ্মীনামসহস্রেণ শ্রুতেন পঠিতেন বা ॥ ৪ ॥
ধর্মার্থী ধর্মলাভী স্যাত্ অর্থার্থী চার্থবান্ ভবেত্ ।
কামার্থী লভতে কামান্ সুখার্থী লভতে সুখম্ ॥ ৫ ॥
ইহামুত্র চ সৌখ্যায় লক্ষ্মীভক্তিহিতঙ্করী ।
ইদং শ্রীনামসাহস্রং রহস্যানাং রহস্যকম্ ॥ ৬ ॥
গোপ্যং ত্বয়া প্রয়ত্নেন অপচারভয়াচ্ছ্রিয়ঃ ।
নৈতদ্ব্রাত্যায় বক্তব্যং ন মূর্খায় ন দম্ভিনে ॥ ৭ ॥
ন নাস্তিকায় নো বেদশাস্ত্রবিক্রয়কারিণে ।
বক্তব্যং ভক্তিয়ুক্তায় দরিদ্রায় চ সীদতে ॥ ৮ ॥
সকৃত্পঠিত্ব শ্রীদেব্যাঃ নামসাহস্রমুত্তমম্ ।
দারিদ্র্যান্মুচ্যতে পুর্বং জন্মকোটিভবান্নরঃ ॥ ৯ ॥
ত্রিবারপঠনাদস্যাঃ সর্বপাপক্ষয়ো ভবেত্ ।
পঞ্চচত্বারিংশদহং সায়ং প্রাতঃ পঠেত্তু য়ঃ ॥ ১০ ॥
তস্য সন্নিহিতা লক্ষ্মীঃ কিমতোঽধিকমাপ্যতে ।
অমায়াং পৌর্ণমাস্যাং চ ভৃগুবারেষু সঙ্ক্রমে ॥ ১১ ॥
প্রাতঃ স্নাত্বা নিত্যকর্ম য়থাবিধি সমাপ্য চ
স্বর্ণপাত্রেঽথ রজতে কাংস্যপাত্রেঽথবা দ্বিজঃ ॥ ১২ ॥
নিক্ষিপ্য কুঙ্কুমং তত্র লিখিত্বাঽষ্টদলাম্বুজম্ ।
কর্ণিকামধ্যতো লক্ষ্মীং বীজং সাধু বিলিখ্য চ ॥ ১৩ ॥
প্রাগাদিষু দলেষ্বস্য বাণীব্রাহ্ম্যাদিমাতৃকাঃ ।
বিলিখ্য বর্ণতোঽথেদং নামসাহস্রমাদরাত্ ॥ ১৪ ॥
য়ঃ পঠেত্ তস্য লোকস্তু সর্বেঽপি বশগাস্ততঃ ।
রাজ্যলাভঃ পুত্রপৌত্রলাভঃ শত্রুজয়স্তথা ॥ ১৫ ॥
সঙ্কল্পাদেব তস্য স্যাত্ নাত্র কার্যা বিচারণা ।
অনেন নামসহস্রেণার্চয়েত্ কমলাং য়দি ॥ ১৬ ॥
কুঙ্কুমেনাথ পুষ্পৈর্বা ন তস্য স্যাত্পরাভবঃ ।
উত্তমোত্তমতা প্রোক্তা কমলানামিহার্চনে ॥ ১৭ ॥
তদভাবে কুঙ্কুমং স্যাত্ মল্লীপুষ্পাঞ্জলিস্ততঃ ।
জাতীপুষ্পাণি চ ততঃ ততো মরুবকাবলিঃ ॥ ১৮ ॥
পদ্মানামেব রক্তত্বং শ্লাঘিতং মুনিসত্তমৈঃ ।
অন্যেষাং কুসুমানান্তু শৌক্ল্যমেব শিবার্চনে ॥ ১৯ ॥
প্রশস্তং নৃপতিশ্রেষ্ঠ তস্মাদ্যত্নপরো ভবেত্ ।
কিমিহাত্র বহূক্তেন লক্ষ্মীনামসহস্রকম্ ॥ ২০ ॥
বেদানাং সরহস্যানাং সর্বশাস্ত্রগিরামপি ।
তন্ত্রাণামপি সর্বেষাং সারভূতং ন সংশয়ঃ ॥ ২১ ॥
সর্বপাপক্ষয়করং সর্বশত্রুবিনাশনম্ ।
দারিদ্র্যধ্বংসনকরং পরাভবনিবর্তকম্ ॥ ২২ ॥
বিশ্লিষ্টবন্ধুসংশ্লেষকারকং সদ্গতিপ্রদম্ ।
তন্বন্তে চিন্ময়াত্ম্যৈক্যবোধাদানন্দদায়কম্ ॥ ২৩ ॥
লক্ষ্মীনামসহস্রং তত্ নরোঽবশ্যং পঠেত্সদা ।
য়োঽসৌ তাত্পর্যতঃ পাঠী সর্বজ্ঞঃ সুখিতো ভবেত্ ॥ ২৪ ॥
অকারাদিক্ষকারান্তনামভিঃ পূজয়েত্সুধীঃ ।
তস্য সর্বেপ্সিতার্থসিদ্ধির্ভবতি নিশ্চিতম্ ॥ ২৫ ॥
শ্রিয়ং বর্চসমারোগ্যং শোভনং ধান্যসম্পদঃ ।
পশূনাং বহুপুত্রাণাং লাভশ্চ সম্ভাবেদ্ধ্রুবম্ ॥ ২৬ ॥
শতসংবত্সরং বিংশত্যুতরং জীবিতং ভবেত্ ।
মঙ্গলানি তনোত্যেষা শ্রীবিদ্যামঙ্গলা শুভা ॥ ২৭ ॥
ইতি নারদীয়োপপুরাণান্তর্গতং শ্রীলক্ষ্ম্যষ্টোত্তরশতনামস্তোত্রং সম্পূর্ণম্ ।
– Chant Stotra in other Languages –
Sri Lakshmi Ashtottara Shatanama Stotram in Hindi – English – Bengali – Gujarati – – Kannada – Malayalam – Oriya – Telugu – Tamil
