॥ Emoko Chigurutadharamuna Telugu Lyrics ॥
ఏమొకో చిగురుటధరమున ఎడనెడకస్తూరి నిండెను ।
భామిని విభునకు వ్రాసిన పత్రిక కాదు కదా ॥
కలికి చకోరాక్షికి కడకన్నులు కెంపైతోచిన ।
చెలువంబిప్పుడిదేమో చింతింపరేచెలులు ।
నలువున ప్రాణేశ్వరునిపై నాటినయాకొనచూపులు ।
నిలువునపెరుకగనంటిన నెత్తురుకాదుకదా ॥
పడతికి చనుగవమెరుగులు పైపై పయ్యెద వెలుపల ।
కడుమించిన విధమేమో కనుగొనరే చెలులు ।
వుడుగని వేడుకతో ప్రియుడొత్తిన నఖశశిరేఖలు ।
వెడలగవేసవికాలపు వెన్నెలకాదుకదా ॥
ముద్దియ చెక్కుల కెలకుల ముత్యపు జల్లుల చేర్పుల ।
వొద్దికలాగులివేమో ఊహింపరే చెలులు ।
గద్దరి తిరువేంకటపతి కొగిటియధరామృతముల ।
అద్దిన సురతపు చెమటల అందము కాదు కదా ॥
– Chant Stotra in other Languages –
Annamacharya Keerthanalu » Emoko Chigurutadharamuna Lyrics in Hindi » English » Bengali » Kannada » Malayalam » Tamil
