॥ Sri Shankara Stotram 2 Kannada Lyrics ॥

॥ ಶ್ರೀ ಶಂಕರಾಷ್ಟಕಂ ॥
ಹೇ ವಾಮದೇವ ಶಿವಶಙ್ಕರ ದೀನಬನ್ಧೋ
ಕಾಶೀಪತೇ ಪಶುಪತೇ ಪಶುಪಾಶನಾಶಿನ್ ।
ಹೇ ವಿಶ್ವನಾಥ ಭವಬೀಜ ಜನಾರ್ತಿಹಾರಿನ್
ಸಂಸಾರದುಃಖಗಹನಾಜ್ಜಗದೀಶ ರಕ್ಷ ॥ ೧ ॥

ಹೇ ಭಕ್ತವತ್ಸಲ ಸದಾಶಿವ ಹೇ ಮಹೇಶ
ಹೇ ವಿಶ್ವತಾತ ಜಗದಾಶ್ರಯ ಹೇ ಪುರಾರೇ ।
ಗೌರೀಪತೇ ಮಮ ಪತೇ ಮಮ ಪ್ರಾಣನಾಥ
ಸಂಸಾರದುಃಖಗಹನಾಜ್ಜಗದೀಶ ರಕ್ಷ ॥ ೨ ॥

ಹೇ ದುಃಖಭಞ್ಜಕ ವಿಭೋ ಗಿರಿಜೇಶ ಶೂಲಿನ್
ಹೇ ವೇದಶಾಸ್ತ್ರವಿನಿವೇದ್ಯ ಜನೈಕಬನ್ಧೋ ।
ಹೇ ವ್ಯೋಮಕೇಶ ಭುವನೇಶ ಜಗದ್ವಿಶಿಷ್ಟ
ಸಂಸಾರದುಃಖಗಹನಾಜ್ಜಗದೀಶ ರಕ್ಷ ॥ ೩ ॥

ಹೇ ಧೂರ್ಜಟೇ ಗಿರಿಶ ಹೇ ಗಿರಿಜಾರ್ಧದೇಹ
ಹೇ ಸರ್ವಭೂತಜನಕ ಪ್ರಮಥೇಶ ದೇವ ।
ಹೇ ಸರ್ವದೇವಪರಿಪೂಜಿತಪಾದಪದ್ಮ
ಸಂಸಾರದುಃಖಗಹನಾಜ್ಜಗದೀಶ ರಕ್ಷ ॥ ೪ ॥

ಹೇ ದೇವದೇವ ವೃಷಭಧ್ವಜ ನನ್ದಿಕೇಶ
ಕಾಲೀಪತೇ ಗಣಪತೇ ಗಜಚರ್ಮವಾಸಃ ।
ಹೇ ಪಾರ್ವತೀಶ ಪರಮೇಶ್ವರ ರಕ್ಷ ಶಮ್ಭೋ
ಸಂಸಾರದುಃಖಗಹನಾಜ್ಜಗದೀಶ ರಕ್ಷ ॥ ೫ ॥

ಹೇ ವೀರಭದ್ರ ಭವವೈದ್ಯ ಪಿನಾಕಪಾಣೇ
ಹೇ ನೀಲಕಣ್ಠ ಮದನಾನ್ತ ಶಿವಾಕಲತ್ರ ।
ವಾರಾಣಸೀಪುರಪತೇ ಭವಭೀತಿಹಾರಿನ್
ಸಂಸಾರದುಃಖಗಹನಾಜ್ಜಗದೀಶ ರಕ್ಷ ॥ ೬ ॥

ಹೇ ಕಾಲಕಾಲ ಮೃಡ ಶರ್ವ ಸದಾಸಹಾಯ
ಹೇ ಭೂತನಾಥ ಭವಬಾಧಕ ಹೇ ತ್ರಿನೇತ್ರ ।
ಹೇ ಯಜ್ಞಶಾಸಕ ಯಮಾನ್ತಕ ಯೋಗಿವನ್ದ್ಯ
ಸಂಸಾರದುಃಖಗಹನಾಜ್ಜಗದೀಶ ರಕ್ಷ ॥ ೭ ॥

ಹೇ ವೇದವೇದ್ಯ ಶಶಿಶೇಖರ ಹೇ ದಯಾಲೋ
ಹೇ ಸರ್ವಭೂತಪ್ರತಿಪಾಲಕ ಶೂಲಪಾಣೇ ।
ಹೇ ಚನ್ದ್ರಸೂರ್ಯಶಿಖಿನೇತ್ರ ಚಿದೇಕರೂಪ
ಸಂಸಾರದುಃಖಗಹನಾಜ್ಜಗದೀಶ ರಕ್ಷ ॥ ೮ ॥

ಶ್ರೀಶಙ್ಕರಾಷ್ಟಕಮಿದಂ ಯೋಗಾನನ್ದೇನ ನಿರ್ಮಿತಮ್ ।
ಸಾಯಂ ಪ್ರಾತಃ ಪಠೇನ್ನಿತ್ಯಂ ಸರ್ವಪಾಪವಿನಾಶಕಮ್ ॥ ೯ ॥

ಇತಿ ಶ್ರೀಯೋಗಾನನ್ದತೀರ್ಥವಿರಚಿತಂ ಶಙ್ಕರಾಷ್ಟಕಮ್ ॥

– Chant Stotra in other Languages –

Sri Shiva Manasika Puja Stotram in Sanskrit – English –  Kannada – Telugu – Tamil

॥ Shankara Stotram 2 Kannada Lyrics ॥

॥ ಶ್ರೀಶಂಕರಸ್ತೋತ್ರಂ 2 ॥
ಓಂ ಕಾರವಾಚ್ಯ ಸಕಲಾರ್ಚಿತಪಾದಪದ್ಮ
ನ ಷ್ಟಸ್ವಕಷ್ಟ ತವ ನೌಮಿ ಸುಭದ್ರಸದ್ಮ ॥

ಮ ತ್ತಾರಿಹಂತೃಚರಣಂ ಶರಣಂ ಸದಾಪ್ತಾ-
ಸ್ತೇ ಭೂಯ ಈಶ ಜನನೀಜಠರಂ ನ ಚಾಪ್ತಾಃ ॥ 1 ॥

ಅ ಹಂ ತ್ವದರ್ಚಾವಿಧಿಂ ನ ಜಾನೇ
ಸ್ತು ತ ಚ ಗಿರಿಜಾಸೂನು ಜಾನೇ ॥

ಭ ಕ್ತಿಸ್ತ್ವಯೀಶೇ ನ ದೃಢಾ ಮಮಾಸ್ತಿ
ಗ ರಿಷ್ಠಸತ್ಸಂಗ ಉತಾಪಿ ನಾಸ್ತಿ ॥ 2 ॥

ವನ ದೇ ಪದೇ ತೇ ಭುವನಾಧಿರಾಜ
ವಿ ದ್ಯಾಧಿರಾಜಾಪ್ಯಮೃತಾಧಿರಾಜ ॥

ಶ್ವೇ ತದ್ಯುತೇ ಭಕ್ತಪತೇ ನಮಸ್ತೇ
ಶ್ವ ಭ್ರಾಝ್ಝಟಿತ್ಯುದ್ಧರ ಮಾಂ ಭವಾಖ್ಯಾತ್ ॥ 3 ॥

ರಾ ಜಾಸುರಾಣಾಂ ತ್ವಮಭೀಷ್ಟದಾತಾ
ಯ ದ್ಯಪ್ಯಹೋ ಸಿದ್ಧನಿಧಿಪ್ರದಾತಾ ॥

ಮ ಹಾಶ್ಮಶಾನೇ ನೃಕರೋಟಿಮಾಲಾಂ
ಹಾ ರ್ದೇನ ಧೃತ್ವಾ ಪ್ರಕರೋಷಿ ಲೀಲಾಂ ॥ 4 ॥

ದೇ ವಾಂಗಲೇಪನಮುತಾಪಿ ಚಿತಾವಿಭೂತಿರ್
ವಾ ಹೋ ವೃಷಃ ಸಹಚರಾಸ್ತವ ಭೂತವಾರಾಃ
ಯ ಸ್ಯಾಂಕುಶಂ ತ್ವಗಶಿವಾಪಿ ಶಿವಾಪಿ ತೇಽಸ್ತಿ
ತ್ರಿ ಷ್ವೀಶಿತಃ ಪಿತೃವನೇ ಸವನೇಽಪಿ ವಾಸಃ ॥ 5 ॥

ಯಂ ತಾಖಿಲಸ್ಯೇದೃಶ ಈಶ ತೇಽಪಿ
ಬ ಲಾರಿಮುಖ್ಯಾ ಅಮರಾ ಹಿ ತೇಽಪಿ
ಕಾ ಶೀಶ ಜಾನಂತಿ ಪರಂ ನ ತತ್ತ್ವಂ
ಯ ಸ್ಯೇಶ ಮಾಂ ಚಾನುಗೃಹಾಣ ಸ ತ್ವಂ ॥ 6 ॥

ತ್ರಿ ವಿಕ್ರಮೋಽಪ್ಯಬ್ಜಭ್ಜಭವಶ್ಚ ಲಿಂಗಂ
ಪು ರಾ ಪರಿಚ್ಛೇತ್ತುಮನೀಶ್ವರೌ ತೇ ॥

ರು ದ್ರೇದೃಶಸ್ತೇ ಗುಣವರ್ಣನಾಯ
ಷಾ ಣ್ಮಾತುರೇ ಭಾಸ್ಯ ಗುರೋ ಪ್ರಭುಃ ಕಃ ॥ 7 ॥

ಯ ಸ್ತ ಈಶ ಪರಿಕೀರ್ತಯೇದ್ಗುಣಾನ್
ತ್ರಿ ಷ್ವಪೀಹ ಸವನೇಷು ಭಕ್ತಿಮಾನ್ ॥

ಪು ಣ್ಯವಾನಿಹ ಭವೇತ್ತಥಾ ನರೋ
ರಾಂ ಕವಾಂಬರಧರೋಽಪಿ ನಾಪರಃ ॥ 8 ॥

ತ ಪೋ ಜಪೋ ಯಜ್ಞಮುಖಾ ಕ್ರಿಯಾ ಯಾ
ಕಾ ಚಿತ್ಪ್ರಮಾದಾದ್ವಿಕಲಾ ಯದಿ ಸ್ಯಾತ್ ॥

ಯ ನ್ನಾಮಸಂಕೀರ್ತನತಃ ಸುಪೂರ್ಣಾ
ತ್ರಿ ದೃಗ್ಭವೇತ್ತ್ವಾಂ ತಮಜಂ ಗೃಣಾಮಿ ॥ 9 ॥

ಕಾ ಲೋ ಮೃಕಂಡಾತ್ಮಜಮರ್ಕಚಂದ್ರಮೋಽ-
ಗ್ನಿ ನೇತ್ರಂ ನೇತುಂ ಸಮುಪಾಗತಸ್ತದಾ ॥

ಕಾ ಲಾಂತಕಾಗಚ್ಛಶಿವೇತ್ಯಹೋ ತದಾಽಽ-
ಲಾ ಪಶ್ರುತೇಸ್ತ್ವಂ ತಮು ಮುಕ್ತವಾನಸಿ ॥ 10 ॥

ಯ ಸ್ಮೈ ಸಕೃನ್ನಮಶ್ಚಕ್ರೇ ಬಾಣರಾವಣ ಆಸುರಃ .
ಕಾ ಮಪೂರ್ತಿಸ್ತಯೋರಾಸೀತ್ಸಂಪದ್ದೇವಶ್ರಿಯೋಽಧಿಕಾ ॥ 11 ॥

ಲಾ ಭೋಽಪರೋ ನಶ್ವರ ಏವ ಕಾಮೋಽ-
ಗ್ನಿ ವದ್ಘೃತೇನೇಶ ನ ಕಾಮಭೋಗೈಃ ॥

ರು ದ್ರೋಪ್ರಶಾಮ್ಯತ್ಯತ ಏವ ದೇಹಿ
ದ್ರಾ ಕ್ಶಾಂತಿದಾಂ ತ್ವಯ್ಯಚಲಾಂ ಸುಭಕ್ತಿಂ ॥ 12 ॥

ಯ ತ್ನಂ ವಿನಾ ದುಃಖಮಪೈತಿ ಯದ್ವತ್
ನೀ ರಾಗಮಪ್ಯೇತಿ ಸುಖಂ ಚ ತದ್ವತ್ ॥

ಲ ಬ್ಧುಂ ಯತೇ ತನ್ನ ವೃಣೋಮಿ ಚಾರ್ಥಂ
ಕಂ ಚಿತ್ತ್ವಯೀಶಾರ್ಪಯ ಭಕ್ತಿಮೇಕಾಂ ॥ 13 ॥

ಠಾ ಯೇ ವಿದಾ ತಾನಪಿ ಭಕ್ತಿಯೋಗೋ
ಯ ಥಾನುಗೃಹ್ಣಾತಿ ತಥಾ ಪರೋ ನೋ ॥

ಸ ರ್ವೇಽಪಿ ಯಸ್ಮಾದಿಹ ಪಾವನಾಃ ಸ್ಯು-
ರ್ವೇ ದಾಃ ಪ್ರಮಾಣಂ ತ್ವಿಹ ಸಂಶಯೋ ನೋ ॥ 14 ॥

ಶ್ವ ಪಾಕಮುಖ್ಯಾ ಅಪಿ ಯಸ್ಯ ಭಕ್ತ್ಯಾ
ರಾ ಜಂತ ಈಶಾನ ತವೈವ ಲೋಕೇ ॥

ಯ ಜ್ಞೇಶ ಚಂಡಾಲಸುತಾಪಿ ಯಾತಾ
ಸ ತೀಂ ಗತಿಂ ವಿಶ್ರುತಮೇತದಸ್ತಿ ॥ 15 ॥

ದಾ ರಾತ್ಮಜಾಗಾರಧನಾದಿ ಸರ್ವಂ
ಶಿ ವೇಹ ಸನ್ನ್ಯಸ್ಯ ಸದಾ ಭಜಂತಿ ॥

ವಾ ಮಂ ಪರಂ ತ್ವಾಂ ಮುಹುರತ್ರ ತೇ ಕಿಂ
ಯ ಮೀಶ ಮೃತ್ಯೂದ್ಭವದುಃಖಭಾಜಃ ॥ 16 ॥

ಶ್ರೀ ಕಂಠ ಸೂರ್ಯೇಂದುಪಯೋನಭೋಽಗ್ನಿ-
ಮ ರುದ್ಧರಾತ್ಮಾನ ಇಮಾಸ್ತನೂಸ್ತೇ ॥

ಹಾ ಲಾಹಲಾದಾನಿಶಮಾನತೋಽಸ್ಮಿ
ದೇ ವಾಧಿದೇವೇಶ್ವರ ಮೇ ಪ್ರಸೀದ ॥ 17 ॥

ವಾ ತಾಶನೋಪವೀತೋ
ಯ ಉ ಪಂಚಾಸ್ಯಸ್ತ್ರಿಲೋಚನೋ ನಗ್ನಃ ॥

ನ ನ್ದಿಗತೋ ದಶಹಸ್ತೋ
ಮಃ ಕೇಸ್ಯ ಸ ಪಾತು ಮುನ್ಮಗ್ನಃ ॥ 18 ॥

ಇತಿ ಶ್ರೀವಾಸುದೇವಾನಂದಸರಸ್ವತೀವಿರಚಿತಂ ಶ್ರೀಶಂಕರಸ್ತೋತ್ರಂ ಸಂಪೂರ್ಣಂ .

– Chant Stotra in other Languages –

Shankara Stotram 2 in Sanskrit – English – Bengali – Gujarati – Kannada – Malayalam – Oriya – Telugu – Tamil