॥ Ketu Deva Ashtottara Shatanama Kannada Lyrics ॥

॥ ಶ್ರೀಕೇತು ಅಷ್ಟೋತ್ತರಶತನಾಮಸ್ತೋತ್ರಮ್ ॥

ಕೇತು ಬೀಜ ಮನ್ತ್ರ – ಓಂ ಸ್ರಾँ ಸ್ರೀಂ ಸ್ರೌಂ ಸಃ ಕೇತವೇ ನಮಃ ॥

ಶೃಣು ನಾಮಾನಿ ಜಪ್ಯಾನಿ ಕೇತೋ ರಥ ಮಹಾಮತೇ ।
ಕೇತುಃ ಸ್ಥೂಲಶಿರಾಶ್ಚೈವ ಶಿರೋಮಾತ್ರೋ ಧ್ವಜಾಕೃತಿಃ ॥ 1 ॥

ನವಗ್ರಹಯುತಃ ಸಿಂಹಿಕಾಸುರೀಗರ್ಭಸಮ್ಭವಃ ।
ಮಹಾಭೀತಿಕರಶ್ಚಿತ್ರವರ್ಣೋ ವೈ ಪಿಂಗಳಾಕ್ಷಕಃ ॥ 2 ॥

ಸ ಫಲೋಧೂಮ್ರಸಂಕಾಷಃ ತೀಕ್ಷ್ಣದಂಷ್ಟ್ರೋ ಮಹೋರಗಃ ।
ರಕ್ತನೇತ್ರಶ್ಚಿತ್ರಕಾರೀ ತೀವ್ರಕೋಪೋ ಮಹಾಸುರಃ ॥ 3 ॥

ಕ್ರೂರಕಂಠಃ ಕ್ರೋಧನಿಧಿಶ್ಛಾಯಾಗ್ರಹವಿಶೇಷಕಃ ।
ಅನ್ತ್ಯಗ್ರಹೋ ಮಹಾಶೀರ್ಷೋ ಸೂರ್ಯಾರಿಃ ಪುಷ್ಪವದ್ಗ್ರಹೀ ॥ 4 ॥

ವರಹಸ್ತೋ ಗದಾಪಾಣಿಶ್ಚಿತ್ರವಸ್ತ್ರಧರಸ್ತಥಾ ।
ಚಿತ್ರಧ್ವಜಪತಾಕಶ್ಚ ಘೋರಶ್ಚಿತ್ರರಥಶ್ಶಿಖೀ ॥ 5 ॥

ಕುಳುತ್ಥಭಕ್ಷಕಶ್ಚೈವ ವೈಡೂರ್ಯಾಭರಣ ಸ್ತಥಾ ।
ಉತ್ಪಾತಜನಕಃ ಶುಕ್ರಮಿತ್ರಂ ಮನ್ದಸಖಸ್ತಥಾ ॥ 6 ॥

ಗದಾಧರಃ ನಾಕಪತಿಃ ಅನ್ತರ್ವೇದೀಶ್ವರಸ್ತಥಾ ।
ಜೈಮಿನೀಗೋತ್ರಜಶ್ಚಿತ್ರಗುಪ್ತಾತ್ಮಾ ದಕ್ಷಿಣಾಮುಖಃ ॥ 7 ॥

ಮುಕುನ್ದವರಪಾತ್ರಂ ಚ ಮಹಾಸುರಕುಲೋದ್ಭವಃ ।
ಘನವರ್ಣೋ ಲಮ್ಬದೇಹೋ ಮೃತ್ಯುಪುತ್ರಸ್ತಥೈವ ಚ ॥ 8 ॥

ಉತ್ಪಾತರೂಪಧಾರೀ ಚಾಽದೃಶ್ಯಃ ಕಾಲಾಗ್ನಿಸನ್ನಿಭಃ ।
ನೃಪೀಡೋ ಗ್ರಹಕಾರೀ ಚ ಸರ್ವೋಪದ್ರವಕಾರಕಃ ॥ 9 ॥

ಚಿತ್ರಪ್ರಸೂತೋ ಹ್ಯನಲಃ ಸರ್ವವ್ಯಾಧಿವಿನಾಶಕಃ ।
ಅಪಸವ್ಯಪ್ರಚಾರೀ ಚ ನವಮೇ ಪಾಪದಾಯಕಃ ॥ 10 ॥

ಪಂಚಮೇ ಶೋಕದಶ್ಚೋಪರಾಗಖೇಚರ ಏವ ಚ ।
ಅತಿಪುರುಷಕರ್ಮಾ ಚ ತುರೀಯೇ ಸುಖಪ್ರದಃ ॥ 11 ॥

ತೃತೀಯೇ ವೈರದಃ ಪಾಪಗ್ರಹಶ್ಚ ಸ್ಫೋಟಕಕಾರಕಃ ।
ಪ್ರಾಣನಾಥಃ ಪಂಚಮೇ ತು ಶ್ರಮಕಾರಕ ಏವ ಚ ॥ 12 ॥

ದ್ವಿತೀಯೇಽಸ್ಫುಟವಾಗ್ದಾತಾ ವಿಷಾಕುಲಿತವಕ್ತ್ರಕಃ ।
ಕಾಮರೂಪೀ ಸಿಂಹದನ್ತಃ ಸತ್ಯೇಽಪ್ಯನೃತವಾನಪಿ ॥ 13 ॥

ಚತುರ್ಥೇ ಮಾತೃನಾಶಶ್ಚ ನವಮೇ ಪಿತೃನಾಶಕಃ ।
ಅನ್ತ್ಯೇ ವೈರಪ್ರದಶ್ಚೈವ ಸುತಾನನ್ದನಬನ್ಧಕಃ ॥ 14 ॥

ಸರ್ಪಾಕ್ಷಿಜಾತೋಽನಂಗಶ್ಚ ಕರ್ಮರಾಶ್ಯುದ್ಭವಸ್ತಥಾ ।
ಉಪಾನ್ತೇ ಕೀರ್ತಿದಶ್ಚೈವ ಸಪ್ತಮೇ ಕಲಹಪ್ರದಃ ॥ 15 ॥

ಅಷ್ಟಮೇ ವ್ಯಾಧಿಕರ್ತಾ ಚ ಧನೇ ಬಹುಸುಖಪ್ರದಃ ।
ಜನನೇ ರೋಗದಶ್ಚೋರ್ಧ್ವಮೂರ್ಧಜೋ ಗ್ರಹನಾಯಕಃ ॥ 16 ॥

ಪಾಪದೃಷ್ಟಿಃ ಖೇಚರಶ್ಚ ಶಾಮ್ಭವೋಽಶೇಷಪೂಜಿತಃ ।
ಶಾಶ್ವತಶ್ಚ ನಟಶ್ಚೈವ ಶುಭಾಽಶುಭಫಲಪ್ರದಃ ॥ 17 ॥

ಧೂಮ್ರಶ್ಚೈವ ಸುಧಾಪಾಯೀ ಹ್ಯಜಿತೋ ಭಕ್ತವತ್ಸಲಃ ।
ಸಿಂಹಾಸನಃ ಕೇತುಮೂರ್ತೀ ರವೀನ್ದುದ್ಯುತಿನಾಶಕಃ ॥ 18 ॥

ಅಮರಃ ಪೀಡಕೋಽಮರ್ತ್ಯೋ ವಿಷ್ಣುದೃಷ್ಟೋಽಸುರೇಶ್ವರಃ ।
ಭಕ್ತರಕ್ಷೋಽಥ ವೈಚಿತ್ರ್ಯಕಪಟಸ್ಯನ್ದನಸ್ತಥಾ ॥ 19 ॥

ವಿಚಿತ್ರಫಲದಾಯೀ ಚ ಭಕ್ತಾಭೀಷ್ಟಫಲಪ್ರದಃ ।
ಏತತ್ಕೇತುಗ್ರಹಸ್ಯೋಕ್ತಂ ನಾಮ್ನಾಮಷ್ಟೋತ್ತರಂ ಶತಮ್ ॥ 20 ॥

ಯೋ ಭಕ್ತ್ಯೇದಂ ಜಪೇತ್ಕೇತುರ್ನಾಮ್ನಾಮಷ್ಟೋತ್ತರಂ ಶತಮ್ ।
ಸ ತು ಕೇತೋಃ ಪ್ರಸಾದೇನ ಸರ್ವಾಭೀಷ್ಟಂ ಸಮಾಪ್ನುಯಾತ್ ॥ 21 ॥

॥ ಇತಿ ಕೇತು ಅಷ್ಟೋತ್ತರಶತನಾಮಸ್ತೋತ್ರಮ್ ಸಮ್ಪೂರ್ಣಮ್ ॥

– Chant Stotra in other Languages –

Ketu Ashtottara Shatanama Stotram in Hindi – English – Bengali – Gujarati – – Kannada – Malayalam – Oriya – Telugu – Tamil