॥ Kaligenide Naaku Telugu Lyrics ॥
కలిగెనిదె నాకు కైవల్యము
తొలుతనెవ్వరికి దొరకనిది ॥
జయపురుషోత్తమ జయ పీతాంబర
జయజయ కరుణాజలనిధి ।
దయ యెఱంగ నే ధర్మము నెఱగ నా
క్రియ యిది నీదివ్యకీర్తనమే ॥
శరణము గోవింద శరణము కేశవ
శరణు శరణు శ్రీజనార్ధన ।
పరమ మెఱంగను భక్తి యెఱంగను
నిరతము నాగతి నీదాస్యమే ॥
నమో నారాయణా నమో లక్ష్మీపతి
నమో పుండరీకనయనా ।
అమిత శ్రీవేంకటాధిప యిదె నా
క్రమమెల్లను నీకయింకర్యమే ॥
– Chant Stotra in other Languages –
Annamacharya Keerthanalu » Kaligenide Naaku Lyrics in Hindi » English » Bengali » Kannada » Malayalam » Tamil
