॥ Bhaavamu Lona Telugu Lyrics ॥
భావములోనా బాహ్యమునందును ।
గోవింద గోవిందయని కొలువవో మనసా ॥
హరి యవతారములే యఖిల దేవతలు
హరి లోనివే బ్రహ్మాండంబులు ।
హరి నామములే అన్ని మంత్రములు
హరి హరి హరి హరి యనవో మనసా ॥
విష్ణుని మహిమలే విహిత కర్మములు
విష్ణుని పొగడెడి వేదంబులు ।
విష్ణుడొక్కడే విశ్వాంతరాత్ముడు
విష్ణువు విష్ణువని వెదకవో మనసా ॥
అచ్యుతుడితడే ఆదియు నంత్యము
అచ్యుతుడే యసురాంతకుడు ।
అచ్యుతుడు శ్రీవేంకటాద్రి మీదనిదె
అచ్యుత యచ్యుత శరణనవో మనసా ॥
– Chant Stotra in other Languages –
Annamacharya Keerthanalu » Bhaavamu Lona Lyrics in Hindi » English » Bengali » Kannada » Malayalam » Tamil
