॥ Teppagaa Maraaku Meeda Telugu Lyrics ॥
తెప్పగా మర్రాకు మీద తేలాడువాడు ।
ఎప్పుడు లోకములెల్ల నేలేటివాడు ॥
మోతనీటి మడుగులో యీతగరచినవాడు ।
పాతగిలే నూతిక్రింద బాయనివాడు ।
మూతిదోసిపట్టి మంటిముద్ద పెల్లగించువాడు ।
రోతయైన పేగుల పేరులు గలవాడు ॥
కోడికూత నోరివాని కుర్రతమ్ముడైనవాడు ।
బూడిద బూసినవాని బుద్ధులవాడు ।
మాడవన్నె లేడివెంట మాయలబడినవాడు ।
దూడల నావులగాచి దొరయైనవాడు ॥
ఆకసానబారే వూరి అతివల మానముల ।
కాకుసేయువాడు తురగముపైవాడు ।
ఏకమై వేంకటగిరి నిందిరారమణి గూడి ।
యేకాలముబాయని యెనలేనివాడు ॥
– Chant Stotra in other Languages –
Annamacharya Keerthanalu » Teppagaa Maraaku Meeda Lyrics in Hindi » English » Bengali » Kannada » Malayalam » Tamil
